上星期日，爸媽上了大陸，家中只有我1人，真係難得我1條友係屋企，自從回復單身後，我都年幾冇下個廚，好！就係考試前的一日，輕鬆一下先！11點幾去了荃灣，買了牛扒、鰻魚、肥牛、西生菜、生蠔等，好耐冇去過買餸，原來去街市及煮飯係好辛苦的、好高難度的，真係要多謝爸、媽日日都整好哂比我食！

結果我煮了幾味出來：鰻魚牛扒餐 - 牛扒好鞋，下次都唔好貪平了....鰻魚OK，因為即食的，不用調味~嘻

白灼西生菜肥牛魚皮餃：又失敗左~忘記了落鹽~肥牛灼得太耐好鞋，魚餃煮得太多了....失敗中的失敗

蠔 - 變幻中的失敗！ $21有14隻，超抵，而且隻隻都好大隻呢！ 原本唸住薑蔥焗蠔，點知阿蠔哥勁出水，(之前已經用了生粉都好似冇咩用)，加上蔥又原來已經用哂，落了鹽又原來唔夠味，哈哈，本少爺少下廚呢，希望下次有進步啦！

尋晚考完試之後，去了樂富的KFC食晚餐，順便幫家姐換了個多啦A夢公仔，大家有冇發覺呢餐有咩特別呢﹖冇錯！就係膠杯同鐵SPOON啦！台紙亦係"珍惜資源...."其實堂食仲咪咩都要發泡膠/紙杯等等呢﹖浪費資源！不過依家KFC都係一個好的開始，用了鐵SPOON同膠杯，好多分店仲可以洗手(唔使用甘多濕紙巾)希望佢遲D發泡膠碗都唔好用啦！

其實KFC甘就都係MARKETING ADVERTISING的一種方式，叫用ADDED VALUES, 功能就係：BUILD THE "SOCIAL MEANING" OF THE BRAND，大家考完試仲記得嗎﹖哈哈哈

大家估下我儲了2年的英女皇coins有幾錢﹖

........

................

........................

................................

........................................

................................................

........................................................

................................................................

........................................................................

................................................................................

........................................................................................

................................................................................................

大家估唔估到呢﹖答案就係$949.8，向$1,000大關進發！

中、日合壁的皇都漁港酒家！

今日下午與媽媽去了荃灣南豐中心5樓的皇都漁港酒家飲下午茶，平得來食物的質素係荃灣區的數一數二！而且中、日食品合一，好新奇特別，值得再去！

首先來的，係$9.8的三文魚小卷，平過好多壽司店呢！三文魚都好新鮮呢！抵食！

之後來的係中式的燒鵝米線，亦係$9.8，米線好滑，燒鵝有好多件，而且係燒鵝脾，正呀！不過有少少失色就係燒鵝唔係另牒上，所以燒鵝皮泡林哂了！

再來係日本的燒雞肉串(好似係$6.8)，原來叫的係雞肉大蔥串，雖然來錯左，不過照食可也！燒雞肉串有豐富的肉汁，唔以出面好多燒到好乾身、好鞋！不過有少少過咸~

再來一客北菇雞包仔，$7.8，比一般酒家的大個！約有4寸大，熱辣辣，有好多雞肉、北菇及一點點的蝦，好好味！

燒賣$9.8，幾大粒，有好大粒蝦仁，不過唔係切肉燒賣，而且肥肉粒亦不少呢...好幸味精唔重！值得一讚！

牛肉球：好有口感，唔似機打，又係超大粒都係$4.8

鴨腳扎：好以係$7.8，鴨腳好爽，舊肉唔肥，值得一試！內的係一舊薯仔，比較特別，岩哂唔食芋頭的我！

埋單只係$71，味道真係好好味，甚至好過美心、稻香等等，大家可以一試！
 

難得一見的青空！

今日的天氣十分之好，無論白天或是晚上的能見度都十分之高，連中環的半山都可以睇到呢！

《福佳》續集－－煲呔搵工靠你！

歌詞：
乜都改改彷彿易事 制度轉千次
成全李憤長與飯焦
分心打機都好沉迷 創造了英語
羅羅李李　合併超勁！
唐突蘿柚谷爆好句 高雅o既樂趣
失禮香江最精
無聊場合大小也力拼
是誰陪伴馬力　望下屆高升?
煲呔搵工靠你！(I will get the job Done！）
拍馬屁聲響足一世紀
科水偏偏有我？ (普選偏偏冇我？)
廿萬送俾風水佬較飛
送底褲 送絲襪 送胸圍
變態社會上位演戲 不捨不棄
淫褻了不起 (福佳始終有你！）

覆邦傾家愛國條文 孽瘤納稅專政
和諧靠你 付上生命
明目張膽中指取勝　開會瞓住聽
金紫荊章照拎
無能人士亂嗡也力拼
是誰陪伴馬力　望下屆高升?
煲呔搵工靠你！(I will get the job Done！）
拍馬屁聲響足一世紀
普選偏偏冇我？ (普選偏偏冇我？)
八百張飛選多一世紀
玩謝你 送酒席 送主席
傲慢冷嘲各種冤氣 不捨不棄
陪笑了不起 福佳始終有你！
(國︰現在老闆是誰？)
拍馬屁聲響足一世紀
普選偏偏冇我？
(等廿世～Yeah）
(國︰我的票在哪裡？)
八百張飛選多一世紀
三謝禮 拜天地 葬天地
傲慢冷嘲各種冤氣 不捨不棄
陪笑了不起 福佳始終有你！


大家快d睇下啦！好好笑~
http://www.youtube.com/watch?v=4mQWAt-SfkU

(轉載自 http://plastichk.blogspot.com/)

值得睇的演唱會~蔡依林

"馬德里不思議"、" 懷念"、、" 舞孃"、" 唯舞獨尊"等等都是好好聽的歌，加上jolin強勁的舞姿，真是一場值得睇的演唱會！更顯得香港某些歌手的水平~

不會像香港的某些所謂歌手，出道幾個月，五音不全，得個樣，又話mini-concert，又話去邊度邊度開concert，徙氣，有d出得一隻cd，得個幾首派台歌就去開show，唔該，"節省"少少啦！

慶祝父親節@又係荃灣海港

6月16日星期六，為了慶祝父親節，又再一次來到荃灣的海港燒鵝海鮮酒家，由於早幾日訂了位，所以1830便要到達，好彩有訂位，因為1900前已經全場爆滿呢！

因為套餐又貴又唔抵食，加上我地只有8大2BB，所以都係散叫，但由於6月17日便係父親節，所以全場菜式都比平時的星期六日貴10-30不等，而質素亦差了，所以都係個句，唔好大時大節才出街食~

$68一斤的白灼蝦：蝦貴了平時星期六日的$10($58)，份量雖然一樣，不過明顯有不少的蝦係"梅"左，又細隻左好多，唔爽口，今次唔抵食！

翠塘豆腐：有一點點的驚喜！嫩滑的豆腐+蛋白做底，加上鮮蝦、帶子等等，用來撈飯一流(約$60)

半隻燒鵝：出奇地沒有"加價"，仍然係$90，不過又係個句，明顯細隻左，皮唔夠脆，唔好祈望甘高~

瑤柱扒時蔬(約$60)，菜很少，$60有點點貴~不過用來撈飯食好正呢！

西蘭花枝片$78，又係比之前貴，不過好惹味！

古法蒜香骨$60，約10件，件件都好大，熱辣辣好正！不過有DD乾身，肉汁唔夠多~

山珍菌炒駝鳥柳$58，好多駝鳥肉，菌炒得好香，值得一食！

$238的2斤大青班 ，之前係218兩斤半，依家貴上加貴！ 爸爸仲話唔新鮮(睇隻眼)，魚亦熟得滯，好鞋！

最尾係最勁、最抵食的"巨型大壽包"，$60一打，隻隻都有5寸大，成個大人手掌甘大！有奶黃、蓮溶2種！

最衰奶黃唔係流沙，好果唔係仲正！

話梅粉+西瓜拼盤

近日忙於溫習考試，忙都百忙之中，輕鬆一下睇下d牒，最新睇的就係"生死狙擊"

劇情簡介

　　在美國軍隊中服役多年，且在戰場上有過優異表現的狙擊手鮑伯?李?斯瓦格(馬克?沃爾伯格)在骨子裡並不喜歡過這種整日與冰冷的槍械為伴的日子。於是，斯瓦格在堅持到退伍之後便帶著心愛的女友還有自己那條忠實的愛犬一同來到了偏僻的阿肯色州。開始過上自己向往已久的平靜日子。然而，斯瓦格福祉的寧靜生活並未持續多久，便被無情地打破了。斯瓦格曾經的上司帶著一隊人找上門來。希望，憑借他多年的狙擊經驗，在總統舉行街頭演講的時候出手相助，在暗處為總統擔任保鏢。因為，政府方面此前收到消息稱有恐怖分子或者殺手將會有所行動，對總統的人身安全不利。善良誠實的斯瓦格經不起上司的勸說，便應允接受了這一任務。到了總統演講那天，斯瓦格站在演講台對面的大樓裡監視著，突然一聲槍響，總統的貼身保鏢中槍倒地。斯瓦格正要提槍去抓住槍手的時候，一名警察突然闖進門來，用槍指著他，要斯瓦格繳槍投降。還沒有回過神來的斯瓦格就這樣稀裡糊塗地被當作刺殺總統的疑犯通緝。還好斯瓦格身手敏捷，身中一槍跌出窗外，逃離現場。仔細的思考過後，斯瓦格方才清醒，原來自己從一開始便被人陷害成替罪羊。於是，斯瓦格拼命展開調查，追逐真凶，親手為自己洗脫罪責

片中毫無冷場，不過最後的結局是以暴奕暴，以武力解決問題，其實不太建議~

近期網上非常流行的一首歌~福佳始終有你！趁大家尚有言論自由時好快d睇/聽啦！遲d可能比保皇黨炸佢網頁了！

轉載自http://plastichk.blogspot.com

MTV下載：http://www.sendspace.com/file/l0qmjp

MP3下載：http://www.sendspace.com/file/d15a11

歌詞：
鋪鋪膠都彷彿泥濘 撻到你好應 成全這懵董變巨星
ＩＱ唐開Show都爆笑 免費派飛了 盈餘計錯　就愛亂 Fing!
期望坦克碌豬取勝　得到了絕症 金紫荊章填命
無能人士亂嗡也力拼 是誰埋沒馬力　做賣國精英

福佳始終有你！（福佳始終有你！）拍馬屁聲響足一世紀
普選偏偏冇我？ (普選偏偏冇我？) 八萬五驚喜慘於去死
當底褲！當絲襪！當胸圍！
傲慢冷嘲各種冤氣 不捨不棄 陪笑了不起　福佳始終有你！

天星鐘追憶起暴動 同志勿有感應 和諧靠你　亂掟菠蘿
期望坦克碌豬取勝　得到了絕症 金紫荊章填命
無能人士亂嗡也力拼 是誰埋沒馬力　做賣國精英

坦克碌豬靠你！（福佳始終有你！）拍馬屁聲響足一世紀
普選偏偏冇我？ (普選偏偏冇我？) 八百張飛選多一世紀
玩謝你 送酒席 送主席
傲慢冷嘲各種冤氣 不捨不棄 陪笑了不起 坦克碌豬靠你！
(國︰毛主席在這裡) 拍馬屁聲響足一世紀
（玩謝你～Yeah )　普選偏偏冇我？
(國︰Anson Chan 在哪裡？) 八百個選委選一世紀
三謝禮 拜天地 葬天地
傲慢冷嘲各種冤氣 不捨不棄 陪笑了不起 福佳始終有你！